Кыргыз Республикасынын Маданият, маалымат жана туризм министри Азамат Жаманкуловдун Маалымат жана басма сөз күнү менен куттуктоосу.

07.11.2018

 

«Урматтуу журналисттер жана басма сөз кызматкерлери!   
     
Сиздерди 7 – ноябрь Маалымат жана басма сөз күнү  кесиптик майрамыңыздар менен куттуктайм!

      Баарыбыз дүйнөнү маалымат башкарган заманда жашап жатабыз. Ар бирибиз ишибизди маалымат менен баштап, маалымат менен күндү жыйынтыктайбыз. Айтылган кабар адамдын, коомдун жана мамлекеттин маанайына, жүрүм-турумуна жана чечимине таасир эткен зор күчкө айланды.

       Ал эми күндөлүк турмушубузга интернеттин, башка социалдык түйүндөрдүн кеӊири кириши менен сөздүн, фактынын, ар кандай окуянын, кабардын мааниси  өстү. Кесипкөй журналисттер менен катар ар бир адам коомдук пикирге таасир эте алчу кудуретке ээ болуп отурат.

  Журналистика азыр коомдук пикирди чагылдыруу менен кошо адамдардын турмушун, дегеле дүйнөнү өзгөртүүчү эбегейсиз күчкө ээ.

Бүгүнкү күндө ар бир жаран ээн-эркин гезит же электрондук басылма, керек болсо телеканал ача алат. Ар бир жаран өлкөдөгү бардык окуяларга жана көрүнүштөргө өз баасын берип, ой-пикирин эркин таратып жатышат.

Журналистика бир гана далилдүү фактыларга таянууга тийиш. Ошондой эле атайылап коомду козутууну максат кылбаш керектиги кесиптик этикада баса белгиленген. 

Азыр Кыргызстан үчүн тынчтык, туруктуулук, элдин ынтымагы баарынан кымбат. Ошондуктан, журналисттер да баарыбыздын Мекенибиздин келечеги үчүн жоопкердикти бөлүшүүгө милдеттүү экенин унутпоосун билдирип кетмекчимин.

Урматтуу маалымат кызматкерлери майрамыңыздар кут болсун!

Баарыңыздарга чың ден соолук, бакубат өмүр, чыгармачылык жаңы ийгиликтерди каалайм!

Кыргыз Республикасынын 
Маданият, маалымат жана туризм министри 
Азамат Жаманкулов

НОВОСТИ

Фархад Бекманбетов назначен генеральным директором Кыргызского Государственного цирка имени А. Изибаева.

Подробнее...

В отношении руководства Кыргызского национального театра оперы и балета будет принята дисциплинарная ответственность.

Подробнее...

Кыргыз Республикасынын Президенти Сооронбай Жээнбеков  бир катар кыргызстандыктарга мамлекеттик сыйлыктарды жана ардактуу наамдарды тапшырды.

Подробнее...

Жумабек Ибраимовдун 75 жылдыгына арналган «Өчпөс ысым» аттуу китеп-сүрөт көргөзмөсү уюштурулду.

Подробнее...

Представлена книжная выставка «Өчпөс ысым», посвященной 75-летию со дня рождения государственного и общественного деятеля Жумабека Ибраимова.

Подробнее...

Юбилейная персональная выставка ДЖЫЛДЫЗБЕКА МОЛДАХМАТОВА

Подробнее...

Президент Сооронбай Жээнбеков 2019-жылды «Региондорду өнүктүрүү жана өлкөнү санариптештирүү жылы» деп жарыялады

Подробнее...

Избраны академики Международной Академии Чингиза Айтматова

Подробнее...

Ушла из жизни выдающаяся оперная певица и педагог, народная артистка Кыргызской Республики, лауреат премии Союза молодёжи Киргизской ССР Эсенбю Нурманбетова

Подробнее...

Кыргыз Республикасынын Маданият, маалымат жана туризм министрлиги Кыргыз Республикасынын Өкмөтүнүн балдар адабияты сыйлыктарын изденип алууга ачык сынак жарыялайт.

Подробнее...