Image default
Долбоорлор

КМШ мамлекеттеринин жаш киночуларынын “Үмүт” форуму

Форум 2013-жылдан бери жыл сайын Кыргыз Республикасынын Маданият, маалымат, спорт жана жаштар саясаты министрлигине караштуу Кинематография департаменти тарабынан КМШ катышуучу-мамлекеттеринин гуманитардык кызматташтыктын мамлекеттер аралык фондунун колдоосу менен өткөрүлөт.

Бул иш-чара КМШ мамлекеттеринин жаш кинематографисттеринин, киноинституттарынын жана киномектептеринин студенттеринин ортосунда эл аралык кызматташуу жана маданий тажрыйба алмашуу максатында уюштурулган. Он жыл ичинде Форум катышуучу-мамлекеттердин жаш муундарынын баарлашуусун өнүктүрүү үчүн ачык жана натыйжалуу аянтча болуп, КМШ мамлекеттеринин кинематографисттеринин ортосунда чыгармачылык байланыш, тажрыйба алмашуу үчүн мүмкүнчүлүк түзөт.

Программада конкурстук жана конкурстан тышкары толук метраждуу жана кыска метраждуу тасмаларды көрсөтүү, тегерек стол, алдыңкы кинематографисттердин мастер-класстары, тасмаларды жаратуучуулар менен чыгармачыл жолугушуулар, дебюттук тасмалардын бетачаар көрсөтүүлөрү, ошондой эле дүйнөнүн беделдүү эл аралык кинофестивалдарынын лауреат-тасмаларын атайын көрсөтүү пландалган

Форумдун алкагында эки сынактык программа өткөрүлөт:

Улуттук тасмалардын сынагы жана Эл аралык тасмалардын сынагы.

Калыстар тобунун тандоосунун жыйынтыгы боюнча ар бир конкурстук программа боюнча лауреаттарга төмөнкү номинациялар боюнча сыйлыктар ыйгарылат:

“Эң мыкты тасма”

“Мыкты режиссер”

Сыйлыктар – диплом, статуэтка жана белектер

Шарттар жана жоболор

Конкурстук программаларга катышуу үчүн жаш режиссерлор, киномектептердин, кино факультеттеринин жана режиссёрлорду даярдоо курстарынын бүтүрүүчүлөрү, ошондой эле 35 жашка чейинки аспиранттар чакырылат.

2020-2022-жылдары тартылган 40 мүнөткө чейинки көркөм, даректүү, анимациялык тасмалар, орусча субтитрлери менен улуттук тилдердеги тасмалар кабыл алынат.

Тандоого катышуу үчүн форумдун электрондук дарегине төмөнкү материалдарды тапшырышыңыз керек:

  1. катышуу үчүн электрондук түрдө арыз;

2. тасмага шилтеме (пароль менен);

3. директордун сүрөтү (өзүнчө тиркелет – 300jpq кем эмес)

4.  2-3-пленкалардан кадрлар (өзүнчө тиркелет – өлчөмү 500jpq кем эмес) болуусу шарт.

Байланыш тел.: +996 312 301 042

e-mail: umut.forumkg@mail.ru