ОШТО СТАРТ АЛГАН «СУЛАЙМАН — 4 МЕЗГИЛ» ФОТОДОЛБООСУ ТҮРК ДҮЙНӨСҮН БИРИКТИРЕТ
ТҮРКСОЙ уюму Кыргызстандын маданият жана билим берүү мекемелери менен биргеликте «Сулайман — 4 мезгил» аттуу эл аралык фотодолбоору ишке ашырууда. Максаты — ЮНЕСКОнун мурастар тизмесиндеги Сулайман-Тоону төрт мезгил ичинде ар тараптан сүрөткө тартып, анын маданий жана табигый өзгөчөлүгүн дүйнөгө таанытуу.
Долбоор ТҮРКСОЙго мүчө өлкөлөрдүн сүрөтчүлөрүн бириктирип, тажрыйба алмашууга, ошондой эле жаш авторлорду колдоого багытталган. Иш-чаралардын ичинде фотопленэрлер, мастер-класстар, тегерек үстөл жана жыйынтыктоочу көргөзмө уюштурулат.
Фотовыставка Ош шаарында ачылып, андан соң башка түрк мамлекеттеринде да көрсөтүлөт. Долбоор түрк элдеринин маданий кызматташтыгын чыңдоого жана Кыргызстандын туристтик потенциалын жайылтууга өбөлгө түзөт.
