Маданият министри Мирбек Мамбеталиев жарандарды кабыл алды
Бүгүн, 26-мартта, Кыргыз Республикасынын маданият, маалымат жана жаштар саясаты министри Мирбек Мамбеталиев жарандарды кабыл алуу графигине ылайык жарандар менен жолугушуу өткөрдү.
Жолугушуу учурунда маданият, маалымат жана жаштар саясатынын ар кандай багыттарына байланыштуу маселелер көтөрүлдү. Жарандар көрүнүктүү маданий ишмерлердин мааракелерин өткөрүү, сыйлыктарды тапшыруу жана мамлекеттик гимн (жобосу) боюнча сунуштар жана сын пикирлерди талкуулашты.
Министр бардык кайрылууларды кунт коюп угуп, тиешелүү тармактык бөлүмдөргө тапшырмалар берип, жарандар менен ачык диалог жүргүзүүнүн өлкөнүн маданий саясатын өркүндөтүүдө салымы чоң экенин белгиледи.
