Белекке китеп берүүнүн эл аралык күнү
Бүгүн, 14-февралда Маданият, маалымат, спорт жана жаштар саясаты министри Алтынбек Максутов Бишкек шаарындагы бир катар китепкана, бала бакча жетекчилери, жогорку окуу жайлардын өкүлдөрү менен жолукту.
Министр ар бир мекемеге Министрлик тарабынан басылып чыккан жаңы китептердин топтомун белек катары тапшырып, аны менен катар тармактагы жасалып жаткан иштерди алар менен бирге талкуулады.
Министр өз сөзүндө бүгүнкү күндө китепканалар заман талабына ылайыкташып, эл көп келип китеп окуй турган жайга айландыруу үчүн зарыл болгон чечимдерди кабыл алуу жана санариптешүү доорунда интернетте жеткиликтүү жана сапаттуу китептердин базасы менен толуктоо тапшырмасын берди.
Бүгүнкү күндө өлкөдө 1059 китепкана бар. Анын ичинен 51 китепкана Маданият министрлигине караштуу жана каржылоосу республикалык бюджеттен.
