Маалыматка жетүү үчүн улуттук өнөктөштөрдүн керектөөлөрүн ыкчам баалоо, медиа сабаттуулукту илгерилетүү жана плюрализмди өнүктүрүү жаатында улуттук консультативдик жолугушуу болуп өттү
Маалыматка жетүү үчүн улуттук өнөктөштөрдүн керектөөлөрүн ыкчам баалоо, медиа сабаттуулукту илгерилетүү жана плюрализмди өнүктүрүү жаатында улуттук консультативдик жолугушуу болуп өттү
2024-жылдын 13-февралында Бишкек шаарында Бириккен Улуттар Уюмунун билим берүү, илим жана маданият боюнча уюму (ЮНЕСКО) менен биргеликте улуттук консультациялык жолугушуу болуп, ага мамлекеттик органдардын, эл аралык уюмдардын, билим берүү тармагынын, жарандык коомчулуктун, этностор аралык мамилелер боюнча коомдук консультативдик кеңештердин өкүлдөрү катышты.
Иш-чараны Кыргыз Республикасынын маданият, маалымат, спорт жана жаштар саясаты министринин орун басары Чыңгыз Эсенгул уулу ачып, катышуучуларга Кыргыз жараны идеясын жана медиа сабаттуулукту илгерилетүү боюнча айтып берди.
Жолугушуунун жүрүшүндө Алматы шаарындагы ЮНЕСКОнун аймактык кеңсесинин директорунун милдетин аткаруучу Амир Пирич Борбор Азиядагы сөз эркиндиги, тынчтык жана плюрализм программаларын илгерилетүү үчүн маалымат жана коммуникацияларга жетүү, медиа сабаттуулук боюнча ЮНЕСКОнун тажрыйбасы менен бөлүштү.
Иш-чаранын жүрүшүндө, Министрликтин кызматкерлери тарабынан этностор аралык мамилелер жаатындагы мамлекеттик саясат жана 21-февраль Эл аралык – эне тил күнүнө карата көп тилдүүлүктү сактап, өнүктүрүү боюнча маалымат берилди
