Бишкекте Кыргыз Республикасынын Президенти Садыр Жапаровдун катышуусу менен экинчи Элдик Курултай өтүп жатат.
Бишкекте Кыргыз Республикасынын Президенти Садыр Жапаровдун катышуусу менен экинчи Элдик Курултай өтүп жатат.
Элдик Курултайдын биринчи күнү
Бишкекте Кыргыз Республикасынын Президенти Садыр Жапаровдун катышуусу менен экинчи Элдик Курултай өтүп жатат. Анын ишинин биринчи күнү бүгүн, 15-декабрда, болуп өттү.
Курултайга өлкөнүн бардык аймактарынан 700гө жакын делегат чогулуп, чет өлкөдө жашаган мигранттардын, диний конфессиялардын өкүлдөрү да келишти.
Андан соң Мамлекет башчысы өлкөдөгү абал тууралуу кайрылуу жасап, биринчи Элдик Курултайдын жыйынтыгы боюнча кабыл алынган чечимдерди ишке ашыруу боюнча аткарылган иштер, реформалардын жүрүшү тууралуу айтып берип, ошондой эле улуттук баалуулуктарды сактоо, уюштуруу жана өнүктүрүү максатында көрүлүп жаткан чараларды белгиледи.
Андан кийин сөз кезеги делегаттарга өтүп, алар өз шайлоочуларынын айткандарын, алардын оюн, үнүн жеткиришти, сөздөрүндө аймактарды жана айылдарды өнүктүрүүгө басым жасап, социалдык маселелерди, атап айтканда, бул тармактын кызматкерлеринин эмгек шарттарын жакшыртуу темасын көтөрүштү. Ошондой эле делегаттар чет өлкөдө иштеп жүргөн мигранттардын көйгөйлөрүн чечүүгө көмөк көрсөтүүнү суранышты.
Эскерте кетсек, эртең экинчи Элдик Курултай өз ишин улантат.
Түз эфир УТРКда, республикалык жана облустук телеканалдарда жана социалдык тармактардагы баракчаларда жеткиликтүү болот.
Түз алып берүү 16-декабрда саат 10: 00дө башталат.
