“ЫСЫК-КӨЛДҮН ЖЭЭГИНДЕ БАЛЕТ КЕЧЕСИНЕ” ЧАКЫРАБЫЗ
15–16-август күндөрү Чолпон-Ата шаарындагы Чыңгыз Айтматов атындагы "Рух-Ордо" маданий борборунда элдин эсинде кала турган маданий иш-чара – “Ысык-Көлдүн жээгинде балет кечеси” өтөт. Бул иш-чара өлкөнүн биринчи айымы Айгүл Жапарованын демилгеси жана колдоосу менен, Маданият, маалымат жана жаштар саясаты министрлигинин уюштуруусунда өткөрүлүүдө.
Ысык-Көлдүн жээгинде, эки күн бою сахнада дүйнөлүк классикалык сахналардын керемет чыгармалары, белгилүү балет номерлери жана бий партиялары көрүүчүлөргө тартууланат.
Бул маданий кечелердин негизги максаты – балет өнөрүн жайылтуу, жаш муунга искусствого болгон сүйүүнү тартуулоо жана Ысык-Көл аймагын эл аралык маданий аянтча катары кеңири жайылтуу.
15-август – саат 19:00
16-август – саат 16:00
Кирүү акысыз.
