КЫРГЫЗ РЕСПУБЛИКАСЫНЫН УЛУТТУК МУЗЕЙ ФЕСТИВАЛЫНА КАТЫШУУ YЧYH ӨТҮНМӨЛӨР КАБЫЛ АЛЫНУУДА
Кыргыз Республикасынын Улуттук музей фестивальна катышууга өтүнмөлөрдү кабыл алуу жарыяланат.
Кыргыз Республикасынын Улуттук музей фестивалы – музей тармагындагы мыкты тажрыйбаларды бөлүшүү, жаңы демилгелерди таанытуу жана коомдогу музейлердин ролун чыңдоого арналган ири маданий иш-чара.
Фестиваль 2025-жылдын 1-5-октябры аралыгында Баткен шаарында өткөрүлөт.
Катышуучулар көргөзмөлөрүн, долбоорлорун, илимий жана чыгармачылык иштерин сунуштап, коомчулук жана кесиптештери менен тажрыйба алмашууга мүмкүнчүлүк алышат.
Фестивалдын темасы – Инклюзивдүү музей. Ошондуктан музей кызматкерлери, музей тармагында иштеген адистер, ошондой эле бул багытта иш алып барган уюмдар жана жеке адамдар катышууга чакырылат.
Музей кызматкерлери жана социалдык тармактарда иштеген кызматкерлер үчүн жол кире, жашоо жана катышуу чыгымдары толугу менен уюштуруучулар тарабынан жабылат.
Толук маалыматты алуу жана өтүнмө берүү үчүн шилтемени же QR-кодду колдонсоңуз болот.
