Кыргызстандын искусство чеберлери “Актау – 2025-жылы түрк дүйнөсүнүн маданий борбору” аттуу иш-чаранын ачылышына даярданууда
Казакстандын Актау шаарында “Актау – 2025-жылы түрк дүйнөсүнүн маданий борбору” аттуу ири маданий иш-чаранын салтанаттуу ачылышына акыркы даярдыктар көрүлүүдө. Аталган маанилүү иш-чарага кыргызстандык искусство чеберлери, элдик кол өнөрчүлөр жана чыгармачыл жамааттар жигердүү катышып, өлкөбүздүн бай маданий мурасын тартуулашат.
Ачылыш аземинин алкагында кыргызстандыктар салттуу жана заманбап искусствонун өзгөчөлүктөрүн көрсөтүшөт. Программада музыкалык жана бий ансамблдеринин чыгармалары, элдик кол өнөрчүлүк көргөзмөлөрү жана маданий мураска арналган ар түрдүү иш-чаралар камтылган. Ошондой эле кыргызстандык искусство ишмерлери түрк дүйнөсүнүн тарыхына жана маданиятына арналган тематикалык жолугушууларга жана илимий конференцияларга катышат.
“Актау 2025” кыргыз маданиятын эл аралык деңгээлде жайылтуу жана боордош элдер менен маданий байланышты чыңдоо үчүн маанилүү аянтча болуп саналат.
“Актау 2025” түрк дүйнөсүнүн биримдигинин символуна айланып, кыргызстандыктарга өз өнөрүн таанытууга, маданиятын көрсөтүүгө жана жалпы маданий мейкиндиктин өнүгүшүнө салым кошууга уникалдуу мүмкүнчүлүк тартуулайт.
Расмий ачылыш азем 5-апрелде өтөт.
