Москва шаарында заманбап кыргыз жомогу «Саадак какты» спектаклинин көрсөтүлүшү болду

Октябрь 21, 2024 - 14:55

Октябрь 25, 2024 - 14:56

2024-жылдын 21-октябрында Россиянын Кичи театрынын сахнасында Бексултан Жакиевдин чыгармасы боюнча Бишкек шаардык Арсен Умуралиев атындагы драма театрынын “Саадак какты” аттуу спектакли ийгиликтүү көрсөтүлдү.

Аталган иш-чара Кыргыз Республикасынын Россия Федерациясындагы Маданият күндөрүнүн алкагында өттү. Москванын театр искусствосунун баалочулары кыргыз актерлоруна таазим этишти.

Спектаклдин режиссёру – Санкт-Петербург театр академиясынын Геннадий Тростянецкий устатканасынын бүтүрүүчүсү Уланмырза Карыпбаев. Сценограф жана костюмдардын сүрөтчүсү – Зухра Мукамбетова. Пластика боюнча режиссёр – А. Ваганов атындагы Хореография академиясынын бүтүрүүчүсү Алина Мамбеталиева.