Кыргыз Республикасынын Маданият, маалымат, спорт жана жаштар саясаты министрлиги Токтогул Сатылганов атындагы Ош облустук китепкананын директору бош кызмат ордуна документтерди кабыл алууну жарыялайт.
Директорудун кызмат ордуна төмөнкүдөй квалификациялык талаптар коюлган:
“Китепкана таануу жана документ жүргүзүү” багыты боюнча жогорку кесиптик билими, жетекчилик кызмат ордундагы иш стажы 2 жылдан кем эмес же төмөнкү багыттар боюнча жогорку кесиптик билими: гуманитардык, педагогикалык, экономика жана башкаруу, бул чөйрөдөгү иш стажы 3 жылдан кем эмес.
Бош орунга төмөнкү документтерди тапшыруу керек:
- Токтогул Сатылганов атындагы Ош облустук китепкананы өнүктүрүү программасы;
- резюме (байланыш телефон номерин, электрондук почтаны көрсөтүү менен),
- автобиография (соттуулугу бар же жок экендиги жөнүндө маалыматтарды көрсөтүү менен);
- кадрларды эсепке алуу баракчасы;
- нотариус же акыркы иштеген жери боюнча күбөлөндүрүлгөн негизги жана кошумча билимин (бар болсо) тастыктаган документтердин көчүрмөлөрү;
- нотариус же акыркы иштеген жери боюнча күбөлөндүрүлгөн эмгек китепчесинин көчүрмөсү;
- илимий даражаны жана илимий наамды ыйгаруу жөнүндө документтердин көчүрмөлөрү (бар болсо);
- паспорттун көчүрмөсү.
Бардык документтер папкага тиркелип, Кыргыз Республикасынын Маданият, маалымат, спорт жана жаштар саясаты министрлигинин Адам ресурстарын башкаруу бөлүмүнө 2024-жылдын 17-августуна чейин тапшырылууга тийиш.
Дареги: Бишкек ш., Пушкин көч., 78, №108 кабинет (саат 9.00 дөн 18.00гө чейин), байланыш телефону: +996 312 662683.
Талаптарга жооп берген катышуучулар аңгемелешүүгө чакырылат.