Айбек Абдымомунов Казакстан Республикасынын спорт жана туризм министри Ермек Маржыкпаев менен жолугушту

Июль 30, 2024 - 16:47

29-июлда Казакстандын Франциядагы консулдугунда Маданият, маалымат, спорт жана жаштар саясаты министринин орун басары – Дене тарбия жана спорт департаментинин директору Айбек Абдымомунов Казакстан Республикасынын спорт жана туризм министри Ермек Маржыкпаев менен жолугушту.

Жолугушууга Кыргыз Республикасынын Улуттук Олимпиада комитетинин президенти Садыр Мамытов жана Казакстан Республикасынын спорт жана дене тарбия иштери боюнча комитетинин төрагасы Ербол Мырзабасынов да катышты.

Тараптар 8-13-сентябрь күндөрү Астана шаарында өтө турган Бешинчи Дүйнөлүк көчмөндөр оюндарында кыргыз делегациясынын катышуусун талкуулады.

Жолугушуунун соңунда катышуучулар Париждеги Олимп оюндарында катышып жаткан Кыргызстан менен Казакстандын спортчуларына ийгилик каалашты.