“XVI КИТЕП FEST – 2025” алгач Эркиндик гүлбагындагы кыргыз элине салым кошкон улуу инсандарга гүлчамбар коюу менен башталып, Курманжан Датка эстелигинин алдында расмий бөлүк менен ачылат. Ошондой эле “Учурдагы кыргыз китептеринин жана автордук укуктарынын маселелери” конференциясы, Улуу Жеңишке 80 жыл көргөзмөсү, алгачкы китеп “АЛИППЕ – 1924-2025” көргөзмөсү, Жазуучулар союзунда котормо таануу боюнча Россия Федерациясынын Жазуучулар союзунан келген акын-жазуучулардан мастер класстар, Улуттук жазуучулар союзуна экскурсия менен коштолот. Ал эми А.Осмонов атындагы Улуттук китепканада “Китеп барактарынын обону” жандуу концерти жана кызыктуу көргөзмөлөр уюштурулат. Ушуну менен катар Ала-Тоо кинотеатрында акысыз кино көрсөтүү уюштурулду.

Китеп фестивалы республика боюнча жер-жерлерде жайгашкан 1000 ашуун китепканаларда белгиленет. Китеп фестивалы алкагында өлкөнүн китепканаларында китеп көргөзмөлөрү, акын жазуучулар менен жолугушуулар, концерттер, конкурстар, театр оюндары жана китеп окуу боюнча кызыктуу оюн-зооктор өткөрүлөт. Ошондой эле республика боюнча жаштардын технология, инженерия, көркөм өнөр жана математика илимдерине болгон кызыгуусун жогорулатуу максатында STEAM кербени күтүлөт. Фестивалда бардык окурмандар китептерди басма баасында жеңилдетүү сатып ала алышат.

Китеп жумалыгынын негизги максаты – Кыргызстанда, өзгөчө балдар жана жаштардын арасында окуу маданиятын көтөрүү, Улуу Жеңиштин 80 жылдыгын даңазалоо, авторлордун, басма үйлөрүнүн, китепканачылардын, мугалимдердин жана башкалардын акын-жазуучулардын, жаш жазуучуларды өлкөбүздүн коомдук жана маданий өнүгүүсүнө кошкон чоң салымын белгилөө.

Ушуну менен катар Ала-Тоо аянтында боло турчу Эл аралык “XVI КИТЕП FEST – 2025” китеп фестивалына бардык окурмандарыбызды чакырабыз!

Байланыш үчүн: +996 990 577 999