Эл артисти Эгемберди Бекболиев Кыргыздрамдын көркөм жетекчиси болуп дайындалды
Кыргыз Республикасынын Маданият, маалымат, спорт жана жаштар саясаты министрлигинин буйругуна ылайык, Бекболиев Эгемберди Жайлобекович 2024-жылдын 25-июнунан тартып штаттык ырааттамага ылайык, Т.Абдумомунов атындагы Кыргыз улуттук академиялык драма театрынын көркөм жетекчиси кызмат ордуна эмгек келишимдин негизинде дайындалды.
Эгемберди Бекболиев 1955-жылы 20-майда, Чүй облусунун, Панфилов районуна караштуу Букара айылында туулган.
1989-1994-жж. Б.Бейшеналиева атындагы кыргыз мамлекеттик маданият жана искусство институту – театр жана кино артисти адистигин бүтүргөн.
1976-жылдан тартып бүгүнкү күнгө чейин – Т.Абдумомунов атындагы Кыргыз улуттук академиялык драма театры – артист, сахнанын жетектөөчү мастери.
Ал Кыргыз Республикасынын эл артисти.
