EXPO 2025: Осака шаарында "Улуттук күн" уланды
Бүгүн, 7-июнда Осака шаарынын станциясында жайгашкан жайда Осака шаарынын тургундары жана Осакада жашап жаткан мекендештер үчүн концерттик программа тартууланды.
Маданий иш-чарага катышкандар "Мурас" тобунун ырларына, күүлөрүнө, ошондой эле Кыргыз Республикасынын эл артисти Роза Аманованын, жапон ырларын ийнине жеткире аткарган Гүлүм Касымбаеванын, мындан тышкары эстрада ырчылары Каnykei, Айжан Нусувалиева, Бек Исраиловдун таланттарына күбө болушту.
Кичине балдардын жылдызына айланган "DBillions" тобу балдар сүйгөн номерлерди аткарышып, иш-чаранын көркүнө көрк кошуп, айлананы шанга бөлөштү.
Мындан тышкары Дилбар” мода үйүнүн көргөзмөсү тарабынан даярдалган айымдардын жаны коллекциясы көрсөтүлдү.
Иш-чаранын жүрүшүндө "Супара" этнокомплекси кыргыздын нукура тамак-аш, суусундук жана таттууларын жайып, шаар тургундарына даам сыздартты.
