«КЫРГЫЗ – КЫТАЙ МАДАНИЙ БАЙЛАНЫШТАРЫ МАНАС ЭПОСУНУН МИСАЛЫНДА» АТТУУ КЕРЕГЕ КЕҢЕШ ӨТТҮ
2025-жылдын 24-сентябрында А. Осмонов атындагы Улуттук китепкананын Чыңгыз Айтматов залында «Кыргыз – Кытай маданий байланыштары Манас эпосунун мисалында» деген темада кереге кеңеш болуп өттү.
Иш-чарага Кыргыз Республикасынын маданият, маалымат жана жаштар саясаты министринин орун басары Аскаралы Мадаминов, Жогорку Кеңештин депутаты Табылды Муратбеков, ошондой эле көрүнүктүү окумуштуулар, манас таануучулар жана манасчылар катышышты.
Кеңештин жүрүшүндө Манас эпосунун дүйнөлүк цивилизациядагы орду, кыргыз менен кытай элинин ортосундагы маданий көпүрө катары мааниси, бүгүнкү күндө эпосту сактоо, жайылтуу жана илимий жактан изилдөө багытындагы кызматташуу маселелери көтөрүлдү.
Ошондой эле кытай тарап менен биргеликте маданий-гуманитардык долбоорлорду ишке ашыруу, илимий экспедициялар, конференциялар жана китеп чыгаруу демилгелери талкууланды.
