МАДАНИЯТ МИНИСТРИ 39 КИЧИАВТОБУСТУН АЧКЫЧТАРЫН ТАПШЫРДЫ
25-сентябрь күнү Маданият, маалымат жана жаштар саясаты министри Мирбек Мамбеталиев министрликке караштуу билим берүү, театр жана оюн-зоок мекемелерине 39 кичиавтобустун ачкычтарын салтанаттуу түрдө тапшырды.
Бул унаалар маданий иш-чараларды, фестивалдарды жана жаштар саясатын өнүктүрүүгө багытталган иштерди ыкчам жана натыйжалуу жүзөгө ашырууга кызмат кылат.
Эске салсак, үстүбүздөгү жылдын июль айында Министрлер Кабинетинин төрагасы Адылбек Касымалиев жалпы 72 унааны (анын ичинде 5 чоң автобус, 10 автобус жана 57 кичиавтобус) министрликке өткөрүп берген.
Жаңы транспорт каражаттары аймактардагы логистиканы жакшыртууга, маданий жана жаштар демилгелерине кеңири колдоо көрсөтүүгө өбөлгө түзөт.
