Кыргыз Республикасынын маданият, маалымат, спорт жана жаштар саясаты министри Алтынбек Максутов Ч. Айтматов атындагы Улуттук орус драма театрынын жамааты менен жолукту
Бүгүн Кыргыз Республикасынын маданият, маалымат, спорт жана жаштар саясаты министри Ч. Айтматов атындагы Улуттук орус драма театрынын эмгек жамааты менен жолугушту.
Жолугушуунун жүрүшүндө министр маданият тармагындагы оң өзгөрүүлөр жана мамлекет маданиятка болгон өзгөчө көңүл буруусу тууралуу айтып берди. Театр искусствосун өнүктүрүү, материалдык-техникалык базаны жакшыртуу жана чыгармачыл демилгелерди колдоо боюнча пландар талкууланды.
Театр кызматкерлери министрге өз суроолорун түздөн-түз берип, жооп ала алышты. Финансылык колдоо, кадрдык саясат жана келечектеги чыгармачылык долбоорлор тууралуу суроолор талкууланды. Бардык суроолорго кенен жана так жооптор берилди.
Бул жолугушуу театр искусствосу Кыргызстандын маданий жашоосунун ажырагыс бөлүгү экендигин жана министрликтин чыгармачыл жамааттар менен ачык диалог курууга даярдыгын дагы бир жолу баса белгиледи.
