Маданият министрлигинин эмгек жамааты Алтынбек Максутовду узатты
Бүгүн, 22-февралда Маданият, маалымат жана жаштар саясаты министри Алтынбек Максутовду эмгек жамаат жылуу маанайда узатты.
Алтынбек Максутов өз кезегинде, 2,5 жыл ичинде министрлик алгылыктуу иштерди аткарганын, ал иштер токтобой улантылышы керектигин белгилеп, эмгек жамаатка ыраазычылыгын билдирди.
Максутов саясий ишмер гана эмес, театр актёру, режиссёр катары белгилүү инсан. Кыргыз Республикасынын эл артисти. Өз ишмердүүлүгүндө Токтогул Сатылганов атындагы улуттук филармониянын көркөм жетекчиси, эл аралык “Кийиз дүйнө” фестивалынын, “Макал Арт” чыгармачыл тобунун уюштуруучусу жана “Көчмөндөр оюнунун” башкы режиссеру катары иш алып барган.
