Министрлик “Интервидение” эл аралык музыкалык конкурсуна Кыргыз Республикасынан катышуучуну аныктоо үчүн конкурстук тандоого катышуу үчүн өтүнмөлөрдү берүү мөөнөтүн узартат
Кыргыз Республикасынын Маданият, маалымат жана жаштар саясаты министрлиги “Интервидение” эл аралык музыкалык конкурсуна Кыргыз Республикасынан катышуучуну аныктоо үчүн конкурстук тандоого катышууга өтүнмөлөрдү кабыл алуу мөөнөтү узартылгандыгын билдирет. Өтүнмөлөр 2025-жылдын 28-мартына чейин кабыл алынат.
Эскерте кетсек, өтүнмөлөрдүн формаларын министрликтин расмий баракчасынан алууга болот: https://minculture.gov.kg жана intervidenie.minculture@mail.ru электрондук дарегине жөнөтүү зарыл.
Тандоо туруна катышууга өтүнмөгө төмөнкү документтер тиркелет:
• паспорттун көчүрмөсү;
• чыгарма тууралуу маалымат (чыгарманын аталышы, авторунун аты-жөнү, жанр);
• резюме;
• эл аралык сынактарга катышуу жөнүндө сертификаттарды, грамоталарды, дипломдорду ж.б.
Эгерде тандоо туруна музыкалык жамааттар катышса, анда өтүнмөдө жамааттын аталышы, алардын автордук катышуусун тактоо менен бардык авторлор жөнүндө жогоруда аталган маалыматтар көрсөтүлөт.
Катышуу талаптары:
• Кыргыз Республикасында популярдуу аткаруучу же музыкалык топ болушу зарыл;
• Катышуучу эл аралык музыкалык сыйлыктардын ээси болушу керек, ошондой эле карьерасындагы жетишкендиктери тууралуу маалымат (Википедияга шилтеме, пресс-релиз жана өмүр баяны менен);
• Катышуучунун жашы 16дан кем эмес;
• Сахнада 6дан ашык аткаруучу болбошу керек;
• Катышуучунун кароо сынактык ыры Кыргыз Республикасында 2024-жылы чыгарылган же атайын кароо сынагы үчүн жазылган ырды аткарышы керек;
• Ырдын темасы кароо сынагынын баалуулуктарына дал келиши керек;
• Ырдын узактыгы 2 мүнөттөн кем эмес жана 3 мүнөттөн ашык болбошу керек;
• Ыр популярдуу музыка жанрында жазылышы керек. Маданиятты чагылдырган этникалык жана фольклордук кошумчалар/үлгүлөр болуусу мүмкүн;
• Ыр дүйнө элдеринин каалаган тилинде аткарылышы мүмкүн;
• Финал учурунда ырды жандуу аткаруу шарт.
Байланыш телефондору:
- Министрликтин Искусствону өнүктүрүү жана саясатты жүргүзүү башкармалыгы: 0312 62 34 97;
- Улуттук маданий борборунун эл чыгармачылык бөлүмү: 0312 88 69 33.
Биз белгилүү таланттуу ырчыларды жана музыкалык жамааттарды сынактык тандоого катышууга жана Кыргызстандын атынан абройлуу эл аралык "Интервидение"музыкалык сынагына катышууга чакырабыз.
