“Текшердим” маалыматтык кампаниясынын алкагында мамлекеттик кызматкерлер үчүн мастер-класстар өтөт
Кыргыз Республикасынын Маданият, маалымат жана жаштар саясаты министрлиги Жамааттык Медиалардын Бирлиги менен биргеликте мамлекеттик органдардын кызматкерлери үчүн медиа жана маалыматтык сабаттуулук боюнча маалыматтык кампания өз ишин баштады.
Аталган иш-чара кечээ, 11-мартта Чүй облусунан старт алды.
• Медиа жана маалыматтык сабаттуулуктун негиздери
• Санариптик алдамчылыктардын коркунучу: чыныгы учурлар жана коргонуу жолдору
• Кастык сөздөр: аларды кантип аныктап, алдын алууга болот?
Бул иш-чаралардын башкы максаты – мамлекеттик кызматкерлердин медиа сабаттуулугун жогорулатуу, сынчыл ой жүгүртүүсүн өнүктүрүү, санариптик алдамчылыктарды аныктоо жана аларга каршы туруу, ошондой эле кастык тилине сөздөргө каршы күрөшүү.
Кампаниянын алкагында мастер-класстар Кыргызстандагы жети аймакта өтөт: Бишкек, Ош, Баткен, Талас, Нарын, Каракол жана Жалал-Абад.
Ар бир аймакта мастер-класстар мамлекеттик мекемелерде өтүп, ага жергиликтүү администрациялардын, Президенттин өкүлчүлүктөрүнүн жана мэриялардын өкүлдөрү катышат.
Кампания 18-мартка чейин уланат.
"Текшердим!" – бул коомдун туруктуулугун камсыздоо жана жалган маалыматтар менен күрөшүү боюнча маанилүү кадам. Сиз дагы бул демилгеге кошулуп, чынчыл жана так маалымат үчүн күрөшө аласыз!
Байланышуу үчүн:
+996 707 330 010
aosmikyrgyzstan@gmail.com
