Тимурлан Ажымалиев Москвадагы театр жетекчилери жана студенттери менен жолукту
2025-жылдын 4-6-март күндөрү Кыргыз Республикасынын Маданият, маалымат жана жаштар саясаты министринин орун басары Тимурлан Ажымалиев Москва шаарында иш сапары менен болду.
Иш сапардын жүрүшүндө ал Россиянын алдыңкы театр окуу жайлары - Россия театр искусствосу институтунун (ГИТИС), Борис Щукин атындагы театр институтунун жана М.С. Щепкин атындагы жогорку театр окуу жайынын жетекчилери менен жолукту.
Ошондой эле ЖОЖдордо окуп жаткан кыргызстандык студенттер менен жолугушууга көңүл бурулду. Жылуу жана ишенимдүү атмосферада жаштар аларды кызыктырган суроолорду берүүгө, билим берүү жана карьералык келечекти талкуулоого, ошондой эле окуу шарттарын жакшыртуу боюнча сунуштарын айтууга мүмкүнчүлүк алышты.
