Улуттук тарых музейинде Ак калпак күнүнө арналган иш-чара өттү
Бүгүн, 5-мартта Улуттук тарых музейинде кыргыз элинин улуттук баш кийими – ак калпакты жасоо боюнча мастер-класс жана тематикалык лекция өткөрүлдү. Аталган иш-чара Кыргызстанда 2011-жылдан бери белгиленип келе жаткан Ак калпак күнүнө карата уюштурулду.
Ак калпак күнү 2011-жылы режиссер Рысбек Жабировдун демилгеси менен белгилене баштаган жана ошол убакыттан бери жыл сайын майрамдалып келет. Бул күн улуттук мурастарды сактоо жана даңазалоо максатында өткөрүлүп, кыргыз элинин маданий өзгөчөлүгүн чыңдоого чоң салым кошууда.
