Алтынбек Максутов Азербайжандын маданият министринин орун басары менен жолугушуу өткөрдү

Декабрь 24, 2024 - 10:43

Декабрь 26, 2024 - 10:44

Алтынбек Максутов Азербайжандын маданият министринин орун басары менен жолугушуу өткөрдү

Бүгүн, 24-декабрда Кыргыз Республикасынын маданият, маалымат, спорт жана жаштар саясаты министри Алтынбек Максутов Азербайжан Республикасынын маданият министринин орун басары Мурад Фарид оглы Гусейнов менен жолугушуу өткөрдү.

Жолугушуу учурунда тараптар маданият жаатындагы эки тараптуу кызматташтык маселелерин талкуулашты. Айрыкча, маданий алмашууну өнүктүрүү, биргелешкен долбоорлорду ишке ашыруу жана жалпы тарыхый-маданий мурастарды сактоо маселелерине өзгөчө көңүл бурулду.

Алтынбек Максутов Кыргызстан менен Азербайжандын маданий байланышын чыңдоонун маанилүүлүгүн белгилеп, искусство менен маданият эки элдин ортосундагы достукту жана өз ара түшүнүшүүнү бекемдөөнүн күчтүү каражаты экенин баса белгиледи.

Жолугушуудан кийин Азербайжандын маданият министринин орун басары Кыргыз Республикасынын Улуттук тарых музейине барды. Конокко Кыргызстандын бай маданий жана тарыхый мурасын чагылдырган уникалдуу экспонаттар көрсөтүлдү.