«ART-ORDO – 2023». Бабур атындагы Ош мамлекеттик академиялык өзбек музыкалуу драма театры «Илегилек» спектаклин койду
Бүгүн, 25- сентябрда «ART-ORDO – 2023» эл аралык театр фестивалынын алкагында Бабур атындагы Ош мамлекеттик академиялык өзбек музыкалуу драма театры белгилүү кыргыз драматургу Султан Раевдин пьесасынын негизинде коюлган «Илегилек» спектаклин койду.
Спектаклде буту-колу шал, дудук карыя жана анын небереси тууралуу татаал тагдыры чагылдырылган. Чет элдик жигитке турмушка чыгып, мекенин таштап кетүүнү каалаган, бирок оорулуу чоң атасын таштап кете албаган кыздын (небересинин) абалы көрсөтүлөт. Окуянын соңунда, кыздын сүйүктүүсү чет жакка кетип, чоң атасы каза табат.
Спектакль руханий кризисти, көз караштардын жана баалуулуктардын карама-каршылыгын баяндайт.
