Бухара шаарында Кыргызстандын маданият ишмерлеринин концерти өттү
22-июлда Токтогул Сатылганов атындагы Кыргыз Улуттук филармониясынын Чалагыз Исабаев атындагы “Камбаркан” фольклордук – этнографиялык ансамбли жана Нурдин Түгөлов атындагы Кыргыз Мамлекеттик “Ак-Марал” бий ансамбли Өзбекстандын Бухара шаарындагы “Жаштар борборунда” чоң концерттик программа тартуулашты.
Министрдин биринчи орун басары Тимурлан Ажымалиев “бул иш-чара кыргыз жана ѳзбек элдеринин эзелтен уланып келе жаткан боордоштугун, достугун даңазалап, Кыргызстан менен Ѳзбекстандын ортосундагы мамилелерди жана кызматташтыкты мындан ары да ѳркүндѳтүүгѳ жана чыңдоого олуттуу ѳбѳлгѳ болот” - деп белгиледи.
Эске салсак, аталган иш-чара Кыргызстандын Өзбекстандагы маданият күндөрүнүн алкагында уюштурулду.
