Ч.АЙТМАТОВ АТЫНДАГЫ ОРУС ДРАМА ТЕАТРЫ «ТЕАТРАЛ ЖЫЛДЫЗЫ» СЫЙЛЫГЫНЫН ШОРТ-ЛИСТИНЕ КИРДИ
Президенттик маданий демилгелер фондунун колдоосу менен өткөрүлүп жаткан «Театрал жылдызы – 2025» эл аралык көрөрмандардын сүймөнчүлүк сыйлыгы финалдык тизмесин жарыялады.
19 номинация боюнча 195 катышуучунун ичинен болгону 59у шорт-листке кирди. «Чет өлкөдөгү эң мыкты орус театры» наамына талапкерлердин арасында Чыңгыз Айтматов атындагы Мамлекеттик улуттук орус драма театры (Кыргызстан), ошондой эле Испания менен Кипрдин театрлары бар.
Көрөрмандардын добуш берүүсү 30-ноябрга чейин сыйлыктын расмий сайтында уланат. Жеңүүчүлөрдүн ысымдары 15-декабрда Вахтангов театрынын сахнасында өткөн салтанаттуу аземде жарыяланат.
