Чолпон-Атадагы майрамдык иш-чара гала-концерт менен жыйынтыкталды
Бүгүн, 3-майда Чолпон-Ата шаарында бир эле күндө өткөн үч ири иш-чара — ШКУнун эл аралык марафону “Run the Silk Road”, “TourismFest 2025” туристтик сезондун ачылышы жана Министрлер Кабинетинин Төрагасынын Кубогу үчүн улуттук ат оюндары салтанаттуу гала-концерт менен жыйынтыкталды.
Кечки иш-чарага Кыргызстандын ар кайсы аймактарынан келген коноктор, чет элдик меймандар, Чолпон-Атанын тургундары жана күндүзкү иш-чаралардын катышуучулары чогулду.
Сахнада кыргыз эстрадасынын жылдыздары, улуттук ансамблдер жана бий топтору өз өнөрлөрүн тартуулашты. Концерттик программада заманбап чыгармалар менен катар эле салттуу элдик ырлар да аткарылды.
Гала-концерт бул күндүн кульминациялык учуру болуп, көрүүчүлөргө унутулгус эмоция тартуулап, маданият элди бириктирүүчү күч экенин дагы бир жолу далилдеди.
