“КУРАК” ТАСМАСЫ ПУСАН ЭЛ АРАЛЫК КИНОФЕСТИВАЛЫНА КАТЫШАТ
Маркум режиссёр Эмиль Атагелдиев жана кинопродюсер, режиссер Эрке Джумакматованын "Курак" тасмасынын дүйнөлүк бет ачары Пусан эл аралык кинофестивалында болот. Тасма "Азиялык көз караш" (Asian Vision) категориясында "эң мыкты азиялык тасма" сыйлыгы үчүн ат салышат.
"Курак" тасмасы Кыргыз Республикасынын Маданият, маалымат жана жаштар саясаты министрлигине караштуу Кинематография департаментинин колдоосу менен тартылган.
ХХХ Пусан эл аралык кинофестивалы 2025-жылдын 17-26-сентябрь күндөрү Түштүк Кореянын Пусан шаарында өтөт.
Жалпы чыгармачыл топко ийгилик каалайбыз!
