ЭДИЛ БАЙСАЛОВ ЭЛ АРТИСТИ ЗАМИРБЕК СООРОНБАЕВДИН ДЕН-СООЛУГУН СУРАП БАРДЫ
23-сентябрь Мамлекеттик тил күнүнүн урматына Министрлер Кабинетинин Төрагасынын орун басары Эдил Байсалов Кыргыз Республикасынын кыргыз маданиятына зор салым кошкон Кыргыз Республикасынын эл артисти Замирбек Сооронбаевдин ден-соолугун сурап, үйүнө барды.
Жолугушуу маалында Эдил Байсалов улуу муун өкүлдөрүнүн эмгегин урматтоо, алардын чыгармачылык мурасын кийинки муунга жеткирүү мамлекеттин негизги милдеттеринин бири экенин белгиледи.
Байсалов Кыргыз Республикасынын Министрлер Кабинетинин Төрагасынын резервдик фондунан атынан Замирбек Сооронбаевге материалдык жардам тапшырып, анын кыргыз маданиятындагы ордун белгилеп, бекем ден-соолук, узак өмүр, кажыбас кайрат каалады.
Өз кезегинде Замирбек Сооронбаев мамлекеттик деңгээлдеги колдоого ыраазычылыгын билдирип, Төраганын орун басарына өз калемине таандык, басмаканада жаңы чыккан китебин кол жазма калтырып, белек кылды.
Эске салсак, Кыргыз Эл артисти, театр жана кино актёру Замир Сооронбаев 2015-жылы Караколдо болгон иш сапарында инсульт болуп, 10 жылдан бери ден-соолугун чыңдап үйүндө.
