ЭГЕМЕНДҮҮЛҮК МАЙРАМДА “УЛУУ МУРАС КААДА-САЛТТАР” СЫНАГЫ БОЛДУ
Кыргыз Республикасынын Эгемендүүлүгүнүн 34 жылдыгына карата, Жалал-Абад шаарында кароо сынактар уланып жатат.
Алардын катарында “Улуу мурас каада-салттар” сынагы орун алган.
Анда кыргыз элинин жуучу түшүү, сөйкө салуу, келин алуу, балага азан чакырып ат коюу, баланы бешикке бөлөө, конок тосуу ж.б. жөрөлгөлөрү көрсөтүлдү.
Аталган сынак каада-салттын мазмуну,
шайкештиги, улуттук кийимдердин жана буюм- тайымдардын колдонулушу, ырым-жырымдын колдонулушу критерийлери менен бааланат.
Бул сынактар улуттук духту көтөрүү, жаш муунга тарыхый мурасты таанытуу жана региондор ортосундагы маданий байланыштарды чыңдоого багытталып уюштурулду.
