Бүгүн, 16-январда Кыргыз Республикасынын Маданият, маалымат, спорт жана жаштар саясаты министринин орун басары Гүлбара Абдыкалыкова Экономикалык кызматташтык уюмунун (ЭКУ) Маданият институтунун президенти доктор Саад С. Хан менен жолугушуу өткөрдү.

Жолугушуунун жүрүшүндө тараптар маданият тармагындагы кызматташтыктын келечегин, анын ичинде биргелешкен долбоорлорду ишке ашыруу, музей жана китепкана ишин өнүктүрүү, ошондой эле маданий мурастарды сактоо чөйрөсүндө тажрыйба алмашуу маселелерин талкуулашты.

Жолугушуунун жыйынтыгында тараптар мындан аркы кызматташууга, аймактык маданий демилгелерди өнүктүрүүгө жана маданий алмашуу программаларын координациялоого даяр экендиктерин билдиришти.