МАДАНИЯТ МЕКЕМЕЛЕРИ МЕНЕН ЖЕРИНЕН ТААНЫШУУ БАТКЕНДЕ УЛАНУУДА
Маданият, маалымат жана жаштар саясаты министринин биринчи орун басары Союзбек Надырбеков маданият мекемелери менен жеринен таанышууну бул жолу Баткен жергесинде улантты.
Иш-сапар Баткен районунда башталып, Раззаков шаарында, Лейлек , Сүлүктү, Кадамжай, Кызыл-Кыя райондорунда уланып, Баткен шаарын текшерүү менен аяктады.
Анда жалпы облус боюнча райондук жана шаардык 23 маданият мекемелеринин иши менен таанышуу жүрдү. Анын ичинде китепканалар, маданият үйлөр, музейлер, театр жана искусство мектептери бар.
Кыдыруу учурунда ар бир имараттын тышкы көрүнүшү жана ички абалы,техникалык базасы текшерилди. Ал эми чогултулган маалыматтар 2026-жылы иш алып баруу планында колдонулат.
Ал эми мындай жеринен текшерүүнү Министрлик Ош облусунда улантат.
