Кыргыз айылында кыргыз ырлары жаңырды
19-июлда Өзбекстан Республикасынын Ташкент шаарында өтүп жаткан Кыргыз Республикасынын Маданият күндөрүнүн алкагында «Голубые купола» сейил багында Кыргызстан менен Өзбекстандын ортосундагы маданий-гуманитардык кызматташтыкты бекемдеген жана эки элдин ортосундагы тарыхый байланыштарга негизделген мазмундуу концерт өттү.
Расмий бөлүктө сөз алган эки өлкөнүн маданият министринин биринчи орун басарлар калаа тургундары үчүн атайын даярдалган маданий программа боордош эки элдин ынтымагына жана орток тарыхына негизделип, достукту жана маданий мамилени жана бай маданий мурастар менен кенен таанышууга мүмкүнчүлүк ачып жатканын белгилешти.
Өз сөзүндө Тимурлан Ажымалиев Өзбекстан Республикасынын маданият министри Озодбек Ахмадович Назарбековго жана Ташкент шаарынын акимчилигине маданий программаны өткөрүүгө кошкон салмдары үчүн ыраазычылык билдирди.
Салтанаттуу иш-чарада Кыргыз Республикасынын Өзбекстан Республикасындагы Атайын жана Ыйгарым укуктуу Элчиси Муса Жаманбаев мындай тарыхый окуя өлкө башчынын Өзбекстанга болгон иш сапары менен катарлаш өтүп жатканын жана ал жогорку деңгээлде өтүп жатканын айтты.
Эске салсак, маданият күндөр эртең да уланат.
Программага ылайык, Өзбекстан Мамлекеттик консерваториясында Кыргыз Республикасынын эл артисти, белгилүү композитор Муратбек Бегалиевдин концерти, Мукимий атындагы Өзбекстандын мамлекеттик академиялык чоң театрында Токтоболот Абдумомунов атындагы Кыргыз Улуттук академиялык драма театрынын “Саманчынын жолу” спектакли жана Ташкент шаардык “Голубые купола” маданий сейил багындагы “Кыргыз айылында” Кыргыз Республикасынын Өзбекстан Республикасындагы маданият күндөрүнүн гала-концерти. Маданият күндөрүнүн расмий жабылышы өтөт.
