Маданият, маалымат, спорт жана жаштар саясаты министри Алтынбек Максутовдун "Нооруз" майрамына карата куттуктоосу
Урматтуу мекендештер!
Сиздерди Жаратылыш менен бардык тирүү жандыктарга жан киргизген улуу майрам – Нооруз майрамыңыздар менен чын дилимден куттуктайм.
Нооруз - жаздын, тазаруунун, өзгөрүүнүн, жаӊы күндүн майрамы.
Эзелтен бул нукура элдик майрамды элибиз аруу тилек, жаңы үмүт, жаркын маанай менен тосуп, жыл башы катары кабыл алып келген.
Ата-бабалардан калган бул көөнөргүс салтыбызды дагы байытып, кийинки урпактарыбызга жеткиребиз.
Жергебиз майрам шаңына бөлөнүп, ыр-күлкү жаңырат. Баба дыйкан үрөн белендеп, жер айдоого камынат.
Нооруз жергебизге тынчтык жана токчулук алып келсин.
Элибиз айдан аман, жылдан эсен болсун.
Ар бир үй-бүлө бактылуу болуп, өлкөбүз өнүгүп, алдыга койгон ой-максаттарыбыз ишке ашсын.
Бардыгыңыздарга бекем ден-соолук, бакубат жашоо, ийгиликтерди каалайм.
Жараткан жар болуп, элибизде дайыма ынтымак, жергебизде тынчтык болсун!
