Маданият, маалымат жана жаштар саясаты министрлигинин кызматкерлери жалпы республикалык ишембиликке катышты
Бүгүн, 15-мартта, Кыргыз Республикасынын Маданият, маалымат жана жаштар саясаты министрлигинин жамааты жалпы республикалык ишембиликке чыгып, борбор калааны көрктөндүрүүгө активдүү катышты.
Ишембиликтин алкагында министрликтин кызматкерлери Чүй проспектиси – Раззаков көчөсү, Абдумомунов көчөсү, Өкмөт үйүнүн айланасындагы сквер жана галерея сыяктуу маанилүү жайларды тазалашты. Ишембиликке маданият министри Мирбек Мамбеталиев, анын орун басарлары жана министрликтин жалпы жамааты катышты.
Жалпы республикалык ишембилик шаарыбыздын экологиялык абалын жакшыртууга, тазалык маданиятын калыптандырууга жана айлана-чөйрөгө аяр мамиле жасоого багытталган маанилүү демилге болуп саналат.
