“Манасчы” жана “Жети уруу, жети ата” аттуу даректүү тасмалардын жабык көрсөтүүсү болду
Бүгүн, 29-июлда Кыргыз Улуттук тарых музейинде англиялык режиссер, продюсер Питер Дэвистин “Манасчы” жана “Жети уруу, жети ата” аттуу даректүү тасмаларынын жабык көрсөтүүсү болду.
Иш-чарага Маданият, маалымат, спорт жана жаштар саясаты министринин орун басары Чыңгыз Эсенгул уулу, Туризмди өнүктүрүүнү колдоо фондунун өкүлдөрү, тасманын продюсери жана жаратуучулары катышты.
Даректүү тасмалардын жабык көрсөтүүсүнөн тышкары Кыргызстандын жаратылышы жана тасма талаасындагы каармандар тартылган чакан фото көргөзмө уюштурулду.
Иш-чараны уюштуруучулардын айытымында, тасмалар өлкөбүздүн маданий жана туристтик потенциалын жайылтуу үчүн маанилүү. Бул тасмалар дүйнөлүк коомчулуктун көңүлүн Кыргызстандын уникалдуу маданиятына жана тарыхына буруп, туристтик агымдын көбөйүшүнө жана дүйнөлүк аренада өлкөбүздүн имиджин бекемдөөгө жардам бере алат.
