Маданият министри Мирбек Мамбеталиевдин Орозо Айт майрамына карата куттуктоосу
Урматтуу мусулман бир туугандар!
Рамазан айы- тазалыктын, кечиримдүүлүктүн, ырайымдуулуктун, кайрымдуулуктун, боорукерликтин, мээримдин айы. Отуз күн аралыгында жан-дүйнөбүз, адебибиз, акылыбыз аруулукка кабылды. Ошол аруулук- бирибирибизге сый-урмат кылууга, көмөк көрсөтүүгө, жакшы мамиле кылууга, мекенди сүйүүгө, элге-жерге ак дилден кызмат өтөөгө өбөлгө түзүп, жан дүйнөбүз үчүн арыбас азык болсун.
Жергебизге бакубат турмуш, ар бир үйгө кут, береке каалайм.
Айт маарек болсун, кадырлуу мекендештер!
Урматтоо менен,
Кыргыз Республикасынын Маданият, маалымат жана жаштар саясаты министри Мирбек Мамбеталиев
