Ош шаарында Маданият, маалымат, спорт жана жаштар саясаты министрлигинин биринчи жарым жылдыгынын жыйынтыгы боюнча коллегия өтүп жатат
Бүгүн, 5 - июлда Ош шаарында Кыргыз Республикасынын Маданият, маалымат, спорт жана жаштар саясаты министрлигинин биринчи жарым жылдыкка карата Коллегиясы өтүүдө.
Ага Маданият министри Алтынбек Максутов баштаган коллегия мүчөлөрү, Ош, Жалал-Абад жана Баткен облусундагы Министрликтин карамагындагы мекеме жетекчилери катышууда.
Коллегиянын күн тартибинде Министрликтин 2024-жылдын биринчи жарым жылдыгындагы ишмердүүлүгү, Министрликтин түзүмдүк жана ведомстволук бөлүмдөрүнүн 2024-жылдын жарым жылдыгына карата иш кагаздарын аткаруу тартибинин абалы, Баткен, Жалал-Абад, Ош облустарындагы театр мекемелеринин, китепканаларынын, маданият бөлүмдөрүнүн, клубдарынын, спорт объектилеринин абалдары каралат.
Ошондой эле мекеме жетекчилеринин сунуштары угулуп, суроо-жооптор менен коштолот.
