Искусствону өнүктүрүү жана саясатты жүргүзүү башкармалыгы Кыргыз Республикасынын Маданият, маалымат жана жаштар саясаты министрлигинин түзүмдүк бөлүмү болуп саналат, анын негизги багыты профессионалдык искусство жаатындагы бирдиктүү мамлекеттик саясатты ишке ашыруу.

Башкармалыктын штаттык санын төмөнкүлөр түзөт: башкармалыктын начальниги (1), Башкы адис (4), Жетектөөчү адис (3) жана адис (1).

Искусствону өнүктүрүү жана саясатты жүргүзүү башкармалыгынын милдеттери

– коомдун руханий, адеп-ахлактык, көркөм-эстетикалык деңгээлин жогорулатууга, дүйнөлүк маданий коомчулукка интеграциялоого багытталган кесиптик искусство чөйрөсүндөгү мамлекеттик саясатты ишке ашыруу, ошондой эле искусство жаатындагы кесиптик билим берүү системасынын натыйжалуу иштешин жана өнүгүшүнө колдоо көрсөтүү;

– искусство чөйрөсүндөгү мамлекеттик саясатты ишке ашыруу процессине талдоо жүргүзүү;

– министрликтин тармактык саясатын өркүндөтүү боюнча сунуштарды иштеп чыгуу;

– искусство чөйрөсүндө жарандардын конституциялык укуктарын ишке ашыруунун кепилдиктерин камсыз кылууга көмөктөшүү.

Искусствону өнүктүрүү жана саясатты жүргүзүү башкармалыгынын функциялары

Башкармалык өзүнө жүктөлгөн милдеттерди ишке ашыруу максатында төмөнкү функцияларды ишке ашырат:

1) тармактык саясат функциясы:

– искусствонун түрлөрүн сактоо, пайдалануу жана өнүктүрүү боюнча мамлекеттик жана тармактык программаларды аткаруу;

– искусство чөйрөсүнүн абалына талдоо жана мониторинг жүргүзүү;

– мамлекеттик бийлик органдары, жергиликтүү өз алдынча башкаруу органдары, ведомстволук мекемелер менен өз ара аракеттенүүнү жүзөгө ашыруу;

– аткаруу үчүн келип түшкөн документтерди, Кыргыз Республикасынын Президентинин Администрациясынын, Жогорку Кеңештин тапшырмаларын, Министрликтин башкармалыктын ишинин маселелери боюнча чечимдерин өз убагында жана сапаттуу аткаруу боюнча иштерди уюштуруу;

– өз ишинин маселелери боюнча стратегиялык документтердин милдеттерин аткаруу;

– театралдык оюн-зоок жана билим берүү мекемелеринин ишине талдоо жана мониторинг жүргүзүү;

– башкармалыктын компетенциясына кирген ченемдик-укуктук, маалыматтык-аналитикалык жана методологиялык материалдарды иштеп чыгуу;

– искусствону өнүктүрүүнүн негизги багыттары боюнча максаттуу программаларды түзүүгө мамлекеттик социалдык заказдарды иштеп чыгууга жана киргизүүгө көмөктөшүү;

2) координациялоо жана контролдоо функциясы:

– кароо-сынактарды, конкурстарды, фестивалдарды, мастер-класстардын чыгармачылык дискуссияларын, искусствонун жогорку көркөм чыгармаларын түзүүгө өбөлгө болуучу башка иш-чараларды өткөрүү;

– театралдык оюн-зоок мекемелеринин репертуарын түзүү боюнча ишти координациялоо жана контролдоо;

– башкармалыкка караштуу мекемелердин ишине мониторинг, талдоо жүргүзүү;

3) колдоо көрсөтүү функциясы:

– Министрликке караштуу театралдык оюн-зоок мекемелеринин уюштуруу документтерин иштеп чыгуу боюнча жардам көрсөтүү;

– башкаруунун инновациялык методдорун, чарба жүргүзүүнүн жаңы шарттарын киргизүү, калкка мамлекеттик кызматтарды көрсөтүү боюнча чараларды ишке ашыруу;

– башкармалыктын иши жөнүндө жыл сайын отчёт берүү;

– ведомстволор аралык комиссияларга, жумушчу топторго катышуу;

– жогору турган органдардан келип түшкөн тапшырмалардын, чечимдердин аткарылышын контролдоо;

– адам ресурстарын башкаруу бөлүмү менен бирдикте белгиленген тартипте Министрликке караштуу театралдык оюн-зоок мекемелеринин кызматкерлерин аттестациядан өткөрүүгө катышуу;

Министрликке караштуу театр оюн-зоок мекемелери

Министрликке караштуу кесиптик искусство багытында жалпы 23 театр оюн-зоок мекеме бар. Алар:

1 опера жана балет театры:

– А. Малдыбаев атындагы Кыргыз улуттук академиялык опера жана балет театры;

1 эпикалык театр:

– Кыргыз улуттук “Манас” театры;

1 камералык оркестр:

– Чүй областтык камералык оркестри; 

2 куурчак театры:

– М. Жангазиев атындагы Кыргыз  мамлекеттик куурчак театры

– Н. Шаамурзаев атындагы Ош облустук куурчак театры;

3 филармония:

– Т. Сатылганов атындагы Кыргыз улуттук филармониясы; 

– Р. Абдыкадыров атындагы Ош облустук филармониясы;

– Т. Тыныбеков атындагы Жалал-Абад облустук филармониясы.

6 драмалык театр:

– Т. Абдумомунов атындагы Кыргыз улуттук академиялык драма театры;

– Ч. Айтматов атындагы мамлекеттик улуттук орус драма театры;

– С. Ибраимов атындагы Ош улуттук драма театры;

– Б. Кыдыкеева атындагы Кыргыз мамлекеттик жаш көрүүчүлөр театры;

– Мамлекеттик “Учур” жаштар театры;

– Барпы атындагы Жалал-Абад областук кыргыз драма театры.

9 музыкалык-драма театр:

– Бабур атындагы Ош Мамлекеттик академиялык өзбек музыкалуу драма театры;

– М. Рыскулов атындагы Нарын облустук академиялык музыкалык-драма театры;

– К. Жантөшев атындагы  Ысык-Көл областтык музыкалык-драма театры;

– Ш. Термечиков атындагы Чүй облустук музыкалык-драма жана сатира театры; 

– А. Жайнаков атындагы Баткен областтык музыкалык-драма театры;

– К. Медетбеков атындагы Талас облустук музыкалык-драма театры;

– К. Акыев атындагы Жумгал музыкалык-драма театры;

– Т. Ажибаев атындагы Алай музыкалык-драма театры;

– Кочкор музыкалык-драма театры. 

Театр оюн-зоок мекемелеринин негизги чыгармачылык ишмердүүлүгүндө жаңы спектаклдерди сахналаштыруу, гастролдорго чыгуу, республикалык жана эл аралык фестивалдарды уюштуруу, ар кандай багытта сынактарды жүргүзүү, чыгармачылык кечелерди өткөрүп, аныкталган иш-чарага карата кассалык билеттерди реализациялоо, көрүүчүлөрдүн көркөм-эстетикалык табитин арттыруу, руханий байлыгын азыктандыруу болуп саналат;

көрүүчүлөргө карата театрлардын өздүк сахналарында же ижарага алынган сахналарда физикалык жана юридикалык жарандар менен түзүлгөн келишимдин негизинде жаңы чыгармаларды, концерттик программаларды көрсөтүү, телеберүүлөрдө радио уктурууларда, кино тасмаларда,  видео тартуулар ж.б. материалдык каражаттар аркылуу таркатуу;

көркөм-чыгармачылык мүнөздө өз алдынча даярдалган коомдук мекемелердин жана чакырылган коллективдердин, аткаруучулардын ишмердүүлүгү менен биргеликте иш-чараларды уюштуруу;

спектаклдерди, концерттик программаларды көрсөтүү үчүн мекемелер менен түзүлгөн келишимдин негизинде керектелүүчү каражаттар менен  камсыздоо, тийиштүү шарттарды түзүү;

театралдык көрсөтүүлөрдү, концерттик программаларды коюуда-өз сахналарын, сахналык аянтчаларын башка театралдык оюн-коюучу мекемелердин гастролго келүүсүндөгү иш-чараларына биргелешкен долбоордун негизинде көркөм-жасалгалык каражаттарын даярдоого көмөк көрсөтүү;

маалыматтык-жарнамалык материалдарды, видео материалдардын жана фонограммалардын көчүрмөлөрүн тираждоо жана реализация кылууга даярдоо болуп саналат.

Театр оюн-зоок мекемелери чыгармачыл ишмердүүлүктөрүн өз алдынча пландаштырат жана уставда көрсөтүлгөн жекече чыгармачылык, чарбачылык ресурстарды, кырдаалга жараша  чыгармачылык-өндүрүштүк жана социалдык өнүктүрүү максатында иш жүргүзүүнү бөлүштүрөт.