УҢГУЖОЛДУН УЧУН ИЛИКТЕП... УВС АЙМАГЫНДАГЫ ТАРИАЛАН СОМОНУНДАГЫ ХОТОН ЭТНИКАЛЫК ТОБУНА САПАР
Илимий экспедициянын жол картасына ылайык, Кыргызстандан барган жумушчу топ Хархираа тоосунун этегинде жашаган Улаангом шаарынан 30 км аралыкта жайгашкан Тариалан хотон этникалык тобуна барды. Бул айылда 80 жаштагы Сээтин аттуу чоң эне менен маектешүү учурунда анын хотондордун бурт (бурут) аттуу уруусунун өкүлү экенди маалым болгон.
Андан соң район башчысынын орун басарынын уюштуруусунун негизинде Тариалан сомонунун маданий борборунда хотон этникалык тобунун жаш таланттарынын улуттук бийи жана аспаптардын коштоосундагы элдик ырларга күбө болгон.
Хотон этникалык тобу 7 уруудан туруп, ар биринин өз алдынча байрактары бар экендигин көрсөтүштү: шалбаа, хольтг, оготор, хочгелт, шаава, бурт жана хаснууд. Айыл башчысы Молон Жаисран бурттардын – кыргыз этникалык тобунун 4000 киши жашаган Тариалан калкынын 30% түзгөндүгүн белгиледи.
Бурт тобунун өкүлү Дөш Басан (56 жашта) хотон этникалык тобунун тарыхы, этнографиясы боюнча маанилүү маалыматтарды айтып берген. Тариаландагы 98 жаштагы Гөлөг Нүүдилден (хольтг) жана 68 жаштагы Хичиг Сертээден хотондордун элдик ырлары видео тасмага түшүрүлдү. Андан соң жайлоодогу Алгаагийн Жамсран бурд тобунун өкүлүнө жолугуп, материалдык маданияты боюнча маалыматтар алынды.
Эспедициялык топтун мүчөлөрү: Сулайман Кайыпов, Гүлзада Абдалиева,
Атыркүл Сейизова, Бакыт Султаналиев, Айтбек Мамытбек уулу
