Ысык- Көл облустук музыкалуу драма театры чыгармачылык сапар менен Бишкек жана Ош шаарына барат
2024- жылдын 29- февралдан баштап 4- мартка чейин Касымалы Жантөшев атындагы Ысык- Көл облустук музыкалык драма театры чыгармачылык сапар менен Бишкек жана Ош шаарына барат.
Программа боюнча 29-февраль жана 1- март күндөрү спектаклдер Т.Абдумомунов атындагы Кыргыз Улуттук драма театрында, ал эми, Ош шаарында Бабур атындагы Ош Мамлекеттик академиялык өзбек музыкалык драма театрында 3-4-март күндөрү сунушталат.
Белгилей кетсек, Касымалы Жантөшев атындагы Ысык-Көл облустук музыкалык драма театры “Күн кармаган бала” спектакли менен 2023-жылдын сентябрь айында Бишкек шаарында өткөн ART ORDO -2023 IX эл аралык театр фестивалында жана 2023-жылдын октябрь айында Азербайжан Республикасынын Баку шаарында ТҮРКСОЙ эл аралык уюму тарабынан уюштуурлган биринчи эл аралык театралдык фестивалда баш байгени жеңип алган.
Ал эми “Ак Кеме” спектакли 2023-жылдын декабрь айында Бишкек шаарында өткөн “Айтматов жана театр” VI эл аралык театр фестивалында баш байгенин бирине (кичи спектакль) ээ болгон.
Спектаклдер күнүнө эки жолу коюлат.
