Ысык-Көл облустук театры "Сараң" спектаклинин премьерасын тартуулады
Ысык-Көл облустук Касымалы Жантөшев атындагы музыкалык драма театры Бишкектеги гастролдорунун алкагында, бүгүн, 11-апрелде“Сейтек” балдар жана өспүрүмдөр улуттук борборунда, француз драматургу Жан-Батист Мольердин чыгармасынын негизинде коюлган "Сараң" (Скупой) аттуу спектаклин Бишкектин көрүүчүлөрүнө тартуулады.
Спектакль жөнүндө:
Байлыкка көзү тунарган, акчага ашык болгон Гарпагондун сараңдыгы анын үй-бүлөсүнүн, жакындарынын бактысына кандай таасир этери, интригалар, күлкүлүү жана ойлонто турган окуялар аркылуу берилип, адамдын чыныгы баалуулуктарын кайра карап чыгууга мажбурлайт.
Спектаклде күлкү менен кайгы, сатира менен чындык айкалышкан.
Режиссёру Уланмырза Карыпбаев.
