Хорватиялык композитор Озрен К. Глазер Бишкекте мастер-класс өттү
III Бишкек эл аралык кинофестивалынын алкагында Компас колледжинде (Compass College) хорватиялык белгилүү композитор Озрен К. Глазердин “Музыка үнү: заманбап доордогу кинокомпозиция искусствосу” аттуу мастер-классы өттү.
Иш-чарага киного саундтрек жазган композиторлор, музыканттар, ошондой эле кино жана музыка жаатында билим алып жаткан студенттер катышты.
Озрен К. Глазер мастер-класста өзүнүн кинолорго жазган саундтректеринен үзүндүлөрдү көрсөтүп, ар кандай темаларга ылайык музыканы тандоо жана жаратуу процесси тууралуу жеке чыгармачылык тажрыйбасы менен бөлүштү. Ал кинокомпозиция искусствосунда эмоция, сюжет жана үн туюмунун айкалышы тууралуу маанилүү маалыматтарды берүү менен катышуучуларга практикалык кеңештерин айтты.
Бул иш-чара III Бишкек эл аралык кинофестивалынын алкагындагы чыгармачыл платформалардын бири катары белигенип, музыка жана кино тармагындагы кесипкөйлөрдү жана жаңыдан аралашып жаткан муунду байланыштыруучу маанилүү диалог аянтчасы болду.
