Кыргыз Республикасынын Маданият күндөрү Беларусь Республикасында: өнөр устаттарынын гала концерти
Кыргыз Республикасынын Беларусь Республикасындагы маданият күндөрүнүн алкагында кыргыз өнөр устаттарынын гала концерти жана кол өнөрчүлөрдүн көргөзмөсү болуп өттү. Иш-чараны Кыргыз Республикасынын Беларусь Республикасындагы Атайын жана Ыйгарым укуктуу элчиси Эрбол Султанбаев, Кыргыз Республикасынын маданият, маалымат, спорт жана жаштар саясаты министринин орун басары Гүлбара Абдыкалыкова жана Беларусь Республикасынын маданият министринин орун басары Валерий Громада ачышты.
Кыргыз Республикасынын Беларусь Республикасындагы маданият күндөрү эки өлкө ортосунда маданий байланыштарды жана өз ара урматтоону бекемдөө жолундагы маанилүү кадам болуп саналат. Иш-чаралар бир жума бою уланып, бул беларусь жарандарына Кыргызстандын бай маданияты жана салт-санаасы менен таанышуу үчүн уникалдуу мүмкүнчүлүк берди.
