Кыргызстан элинин ассамблеясынын кезектеги 10-жыйыны жана 30 жылдык мааракеси белгиленет
Кара-Кыргыз автономиялуу облусунун түзүлгөндүгүнүн 100 жылдыгынын алкагында 2024-жылдын 24-июнунда Ала-Арча мамлекеттик резиденциясында Кыргызстан элинин ассамблеясынын кезектеги 10-жыйыны жана 30 жылдык мааракеси белгиленет.
Иш-чаранын жүрүшүндө Кыргызстан элинин ассамблеясы тарабынан буга чейинки аткарылган иштер жана анын келекчектеги пландары талкууланат.
Иш-чаранын максаты Кыргыз Республикасында этностор аралык мамилелерди бекемдөө жаатындагы саясатты натыйжалуу ишке ашырууга көмөктөшүү болуп саналат.
Иш-чара Кыргыз Республикасында элдин биримдигин бекемдөөгө, этностор аралык мамилелерди чыңдоого, Кыргыз жараны деп жарандардын өзүн таануусун өнүктүрүүгө, маданий көп түрдүүлүктү сактоого жана өнүктүрүүгө, мамлекеттик тилди өнүктүрүүгө, көп тилдүүлүктү сактоого жана өнүктүрүүгө багытталат.
