XIII РЕСПУБЛИКАЛЫК ТЕАТР ФЕСТИВАЛЫ ИЙГИЛИКТҮҮ ЖЫЙЫНТЫКТАЛДЫ
Ош шаарында театр сүйүүчүлөрү, чыгармачыл инсандар жана маданий коомчулук үчүн өзгөчө күн болду. Театр дүйнөсүнүн чоң майрамына айланган XIII Республикалык театр фестивалы ийгиликтүү жыйынтыкталды.
Маданий иш-чарага Маданият, маалымат, спорт жана жаштар саясаты министри Мирбек Мамбеталиев, Ош шаарынын мэринин орун басары Салтанат Аманова, театр кызматкерлери жана жергиликтүү тургундар катышты.
Бул ири иш-чарага өлкөбүздүн булуң-бурчунан келген 14 театр катышып, ар түрдүү жанрлардагы спектаклдерди тартуулашты.
Фестиваль театрлар арасындагы чыгармачыл байланыштарды чыңдоого, аймактар аралык ынтымакты бекемдөөгө, жаңы таланттарды ачууга жана тажрыйба алмашууга чоң өбөлгө түздү.
