Алтынбек Максутов Өзбекстан Республикасынын Спорт министри Адхам Икрамов менен жолугушту
Министр Алтынбек Максутов жана Кыргыз Республикасынын Атайын жана Ыйгарым Уктуу Элчиси Муса Джаманбаев Өзбекстан Республикасынын Спорт министри Адхам Икрамов менен жолугушту.
Сүйлөшүүнүн жүрүшүндө тараптар спорт тармагында кызматташууну өнүктүрүү тууралуу сүйлөшүүлөрдү жүргүзүп жатып, спорт чеберлеринин арасында мелдештерди өткөрүү, жогорку, орто кесиптик окуу жайлардын студенттеринин жана мектеп окуучуларынын арасында биргелешкен спорттук программаларды иштеп чыгуу, массалык спортту жайылтуу, ошондой эле жакынкы кыска убакыт аралыгында 2024-2026 -жылдарга кызматташуунун Жол картасын иштеп чыгып, кол коюу боюнча макулдашууларга жетишилди.
Жолугушуунун жыйынтыгы боюнча Алтынбек Максутов жетишилген макулдашууларды ишке ашыруу боюнча биргелешкен ишти улантууга жигердүү күч-аракет жумшоого даяр экендигин билдирди.
