Бүгүн, 26-майда Кыргыз Республикасынын Маданият, Маалымат, Спорт жана жаштар саясаты министринин орун басары Чыңгыз Эсенгул уулу Алматы шаарында өткөн ШКУга мүчө мамлекеттердин спорт министрлеринин кеңешмесинин алкагында Өзбекстан Республикасынын Спорт министри Адхам Икрамов менен жолугушту.

Тараптар тармактык өз ара аракеттенүүнүн актуалдуу маселелерин жана биргелешкен спорттук иш-чаралардын жол картасын бекитүүнү талкуулашты.

"Спорт-бул биригүү жана ачык диалог үчүн аянтча. Буга биздин улуттук курама командалардын ортосундагы биргелешкен машыгуулар далил боло алат. Жетишкендиктер менен токтоп калбай, спорттун бардык түрлөрү боюнча улуттук курама командалардын мелдештерин жана матчтарын уюштуруу иштерин баштоону сунуш кылам", - деди Чыңгыз Эсенгул уулу.

Өз кезегинде Адхам Икрамов Өзбекстан менен Кыргызстан жаңы анча белгилүү эмес жана популярдуу эмес дисциплиналарды олимпиаданын программасына киргизбөө боюнча бирдиктүү позицияны карманышы керектигин, бул оюндардын тазалыгы жана адилеттүү спорттук күрөш үчүн мелдештерди уюштуруу үчүн жасалышы керектигин белгиледи. Дал ушундай маселелер ШКУга мүчө мамлекеттердин спорт министрлеринин жолугушууларынын алкагында каралууга тийиш экендигин белгиледи.
Ошондой эле ал 2025-жылы Өзбекстан менен Кыргызстандын машыгуу базаларында спорттун түрлөрү боюнча биргелешкен спорттук жыйындарды өткөрүү практикасын улантууну сунуштады.
Чынгыз Эсенгул уулу кызматташтыктын аталган форматтары эки өлкөнүн жаш муундары үчүн дем болуп, социалдык байланыштарды өнүктүрүү жана спорттук иш-чараларга катышуу үчүн мыкты аянтча болоруна ишенимин билдирди.